“ყველასთვის ნათელია, რომ არ არსებობს საფუძველი ლაჩინის სასაზღვრო გამშვები პუნქტის შექმნის პოლიტიზების მცდელობას და ბრალდებებს, რომ რეგიონში დაძაბული ჰუმანიტარული ვითარება შეიქმნა”, - ამის შესახებ აზერბაიჯანის საგარეო საქმეთა სამინისტროს განცხადებაშია ნათქვამი.
აღინიშნა, რომ 2020 წლის სამმხრივი განცხადებების მიუხედევად, რომლის მხარეც რუსეთის ფედერაციაა, აზერბაიჯანის ტერიტორიაზე მყოფი სომხური შეიარაღებული ძალების ნარჩენების სრული გაყვანა ჯერ არ არის უზრუნველყოფილი:
„პირიქით, სომხეთის შეიარაღებული ძალების მხარდაჭერა რეგიონში რუსული სამშვიდობო კონტინგენტის ზედამხედველობით მიმდინარეობს. ამასთან, ცნობილია, რომ აზერბაიჯანის დასავლეთ რეგიონებსა და ნახჭევანის ავტონომიურ რესპუბლიკას შორის კომუნიკაცია სხვადასხვა საბაბით შეფერხებულია. აზერბაიჯანი დაინტერესებულია რეგიონში სიმშვიდის უზრუნველყოფით და გააგრძელებს ძალისხმევას ამ მიმართულებით“.
