სანქციებისთვის გვერდის ავლის საკითხთან დაკავშირებით იყო უამრავი ტყუილი და სპეკულაცია. ყოველ ჯერზე დამტკიცდა, რომ საქართველო სანქციებისთვის გვერდის ავლისთვის საკუთარი თავის გამოყენების საშუალებას არავის აძლევს, - ამის შესახებ საპარლამენტო უმრავლესობის ლიდერმა, „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა.
კობახიძემ ასევე ისაუბრა რეკომენდაციების შესრულების საკითხზე და აღნიშნა, რომ ოპოზიციის მიზანია, რომ ქვეყანამ კანდიდატის სტატუსი არ მიიღოს, რისთვისაც ყველაფერს აკეთებენ.
„ოპოზიციის თვითმიზანია, რომ საქართველომ არ მიიღოს კანდიდატის სტატუსი. ყველაფერს აკეთებენ ამისთვის - აღვივებენ პოლარიზაციას, ამისთვის შეაწყალებინეს გარედან გვარამია და ა.შ. გლობალური ომის პარტია არის ის, ვისაც აწყობს საქართველოში პოლარიზაციის შენარჩუნება. თუმცა, ჩვენ მაინც გვაქვს იმედი, რომ დეკემბერში იქნება ამჯერად მაინც იქნება საქართველოსთვის სამართლიანი გადაწყვეტილება“, - განაცხადა კობახიძემ.
(imedi)
