ჩვენ მზად ვართ დავეხმაროთ საქართველოს მის ევროპულ გზაზე. ჩვენ მხარს ვუჭერთ საქართველოს, რათა ქვეყანამ დააკმაყოფილოს კრიტერიუმები, - ამის შესახებ სლოვაკეთის სახელმწიფო მინისტრმა პიტერი მისიკმა განაცხადა. მან საქართველოს მიერ ევრორეკომენდაციების შესრულების პროცესში მიღწეულ პროგრესზე ისაუბრა.
„როგორც ვიცით, 12-დან 3 შესრულებულია, რაც ნიშნავს, რომ სამუშაო წინაა. როგორც კი კრიტერიუმები დაკმაყოფილდება, თქვენ უნდა გქონდეთ ჩვენი მხარდაჭერის იმედი. ჩვენ ვხედავთ საქართველოს მომავალს ევროკავშირში. კარი ღიაა და ჩვენზეა დამოკიდებული, თუ როგორ მოვემზადებით და რა თქმა უნდა, როგორ მოემზადებიან წევრობის მსურველი სახელმწიფოები. კიდევ ერთხელ ვამბობ, როგორც კი კრიტერიუმები დაკმაყოფილდება, ჩვენ უნდა მივცეთ შესაძლებლობა ქვეყნებს გაერთიანდნენ ევროკავშირში. ეს ასევე ევროკავშირის მომავალია და ეს ორგანიზაციის სანდოობას ეხება“, - აღნიშნა მისიკმა.
(imedi)
