სააგენტოს ცნობით, სამიტზე, ორგანიზაციის 46 წევრი სახელმწიფოს ლიდერები უკრაინისადმი მხარდაჭერას გამოხატავენ და მიმდინარე ომის ფონზე წარმოქმნილ საფრთხეებს განიხილავენ.
აღსანიშნავია, რომ ევროპის საბჭო, რომელიც „მეორე მსოფლიო ომის“ შემდეგ დაარსდა, მეოთხე სამიტს მართავს.
სამიტს გერმანიის კანცლერი, ოლაფ შოლცი, გაერთიანებული სამეფოს პრემიერი, რიში სუნაკი და საფრანგეთის პრეზიდენტი, ემანუელ მაკრონიც დაესწრებიან. მონაწილეებს ვიდეობმულის საშუალებით მიმართავს უკრაინის პრეზიდენტი, ვოლოდიმირ ზელენსკი.
