აშშ-ის თავდაცვის უწყების განმარტებით, დახმარება გამიზნულია უკრაინის უსაფრთხოებისა და თავდაცვის კრიტიკული მოთხოვნილებების დასაკმაყოფილებლად.
ახალი სამხედრო დახმარების პაკეტი მოიცავს სარაკეტო სისტემა HIMARS-ის საბრძოლო მასალებს, 155 მმ-იან ჰაუბიცებს, საარტილერიო ჭურვებს, ტანკსაწინააღმდეგო რაკეტებს, სატვირთო მანქანებსა და მისაბმელიან მანქანებს მძიმე ტექნიკის ტრანსპორტირებისთვის, ავტომობილების სადიაგნოსტიკო აღჭურვილობას, სათადარიგო ნაწილებსა და სხვა საველე აღჭურვილობას.
„შეერთებული შტატები გააგრძელებს მუშაობას თავის მოკავშირეებთან და პარტნიორებთან, რათა უკრაინას მიაწოდოს შესაძლებლობები ბრძოლის ველზე მისი უშუალო მოთხოვნილებების დასაკმაყოფილებლად და ასევე უკრაინის უსაფრთხოებისთვის გრძელვადიანი საჭიროებების დასაკმაყოფილებლად“, - აღნიშნულია პენტაგონის განცხადებაში.
