„ფონდი კავკასია ნიდერლანდების სამეფო კულტურის და მეცნიერების საერთაშორისო ცენტრის“ მიწვევით, მარნეულისა და საგარეჯოს დელეგაციებმა, ესპანეთის ქალაქ ჟირონაში ხელოვნებისა და კულტურის ფესტივალების საერთაშორისო სამიტზე მიიღეს მონაწილეობა.
ვიზიტის ფარგლებში მუნიციპალიტეტების წარმომადგენლებს შესაძლებლობა ჰქონდათ შეხვედროდნენ 40-მდე ევროპული საფესტივალო ქალაქის მერს და 200 დელეგატს სხვადასხვა ქვეყნიდან. პროგრამა მოიცავდა პლენარულ სესიებს, ძირითად გამოსვლებს, სამუშაო შეხვედრებს, სხვადასხვა კულტურულ აქტივობებს.
ეს პლატფორმა, მარნეულსა და საგარეჯოს, კულტურისა და ტურიზმის სფეროების მიმართულებით საერთაშორისო ასპარეზზე გასვლას და მომავალში ევროპის საფესტივალო ქალაქებთან თანამშრომლობის განვითარების შესაძლებლობას მისცემს.
