„ჩვენ რომ არ გვჯეროდეს სამშვიდობო პროცესის, ჩვენ არ დავიწყებდით მას."
InterPress.ge-ს ცნობით, ამის შესახებ აზერბაიჯანის საგარეო საქმეთა მინისტრმა ჯეიჰუნ ბაირამოვმა 27 აპრილს ბაქოში საფრანგეთის ევროპისა და საგარეო საქმეთა მინისტრ კატრინ კოლონასთან ერთობლივ პრესკონფერენციაზე განაცხადა.
მისი თქმით, აზერბაიჯანმა გადადგა ნაბიჯები მშვიდობისკენ: „ჩვენ მადლობას ვუხდით აშშ-ს. შეერთებული შტატების ძალისხმევის შედეგად სომხეთმა განაცხადა, რომ დაუბრუნდა მოლაპარაკებების პროცესს. ჩვენ მივიღებთ მონაწილეობას ამ პროცესში. ჩვენ ყველაფერს გავაკეთებთ სამშვიდობო პროცესის წინსვლისთვის“.
