პარლამენტი პენიტენციურ სისტემაში დაგეგმილი ცვლილების შესახებ მთავრობის ინიციატივის განხილვას იწყებს. დეპუტატები საკითხზე პირველი მოსმენით დღეს ადამიანის უფლებათა კომიტეტზე იმსჯელებენ. ახალი პენიტენციური კოდექსი ბრალდებულებისათვის, საშიშროების მაღალი რისკის მსჯავრდებულების გარდა, ხანგრძლივი და უფასო პაემნით სარგებლობას ითვალისწინებს.
ასევე, იზრდება სატელეფონო საუბრების რაოდენობაც. ყველა მსჯავრდებულისთვის გათვალისწინებულია უმაღლესი განათლების მიღების უფლება. რაც შეეხება პენიტენციური სამსახურის თანამშრომლებს, სხვა სიახლეებთან ერთად ყველა მოსამსახურე თანამდებობრივ და წოდებრივ სარგოს, ასევე წელთა ნამსახურობის დანამატს მიიღებს.
(rustavi 2)
