„ჩვენ არაერთხელ განვაცხადეთ, რომ ჩვენს საშინაო საკითხებს არცერთ ქვეყანასთან არ განვიხილავთ. ყარაბაღი ჩვენი შიდა საქმეა.
InterPress.ge იუწყება, რომ ამის შესახებ აზერბაიჯანის პრეზიდენტმა ილჰამ ალიევმა 18 აპრილს სალიანის რეგიონში აზერბაიჯანის ტელევიზიისთვის მიცემულ ინტერვიუში აღნიშნა.
სახელმწიფოს მეთაურმა თქვა, რომ ყარაბაღში მცხოვრებმა სომხებმა ან აზერბაიჯანის მოქალაქეობა უნდა მიიღონ, ან მათთვის სხვა საცხოვრებელი ადგილი იპოვონ.
„აქ სრული თავისუფლებაა, ყველა დემოკრატიული საფუძველია შეთავაზებული. ეს საკითხი ადამიანის უფლებების საფუძველზე უნდა გადაწყდეს“, - განაცხადა პრეზიდენტმა ილჰამ ალიევმა.
