ცნობილი გახდა, რომ აზერბაიჯანის შეიარაღებული ძალების ორი დაკარგული სამხედრო მოსამსახურე, 2004 წელს დაბადებული ბაბიროვი აგშინ გაბილის ძე და 2003 წელს დაბადებული ახუნდოვი ჰუსეინ აჰლიმანის ძე ნახჭევანის ავტონომიური რესპუბლიკის შაჰბუზის რეგიონიდან სომხეთში ტყვეობაში იმყოფებიან.
InterPress.ge-ს ინფორმაციით, ამის შესახებ ფოტოები და ვიდეოები სომხურ მასმედიაში გამოქვეყნდა.
სომხეთის თავდაცვის სამინისტროში აცხადებენ, რომ 13 აპრილს უამინდობის გამო ერთ-ერთმა სამხედრომ გზა დაკარგა, რის შედეგადაც ის სომხეთის ყარაკილსას რაიონის ტერიტორიაზე სომეხმა სამხედროებმა აღმოაჩინეს და დააკავეს.
სომხეთის მასმედიაში გამოქვეყნდა ფოტო/ვიდეო მასალები, რომლებიც სომხეთში ტყვედ აყვანილი სამხედრო მოსამსახურის წამებასა და არაადამიანურ მოპყრობას ეხება.
აღნიშნულ ვიდეოებსა და ფოტოებში ნათლად არის ასახული აზერბაიჯანელი სამხედრო მოსამსახურის მიმართ ჩადენილი წამება და არაადამიანური ქმედებები. ეს კი, თავის მხრივ, ეწინააღმდეგება საერთაშორისო დოკუმენტებს.
ამგვარად, გავრცელებულ ვიდეოში შესაძლებელია ნახოთ აზერბაიჯანელი სამხედრო მოსამსახურის ხელებშეკრული ცემა და დამცირება.
იმის გათვალისწინებით, რომ ჯარისკაცები სავარაუდოდ სომხეთის ტერიტორიაზე იქნებიან დაკავებულები, აზერბაიჯანის რესპუბლიკამ მათ გათავისუფლებასთან დაკავშირებით ოფიციალური მიმართვა მიმართა შესაბამის საერთაშორისო ორგანიზაციებს.
აზერბაიჯანის გენერალური პროკურატურის პრესსამსახურის ინფორმაციით, აღძრულია სისხლის სამართლის საქმე აზერბაიჯანის სისხლის სამართლის კოდექსის 115.2 მუხლით (ტყვეების წამება, სასტიკი ან არაადამიანური მოპყრობა) შეიარაღებული ძალების სამხედრო მოსამსახურის წამების ფაქტზე.
აღსანიშნავია, რომ ჟენევის III კონვენციის „ომის ტყვეებთან მოპყრობის შესახებ“ თანახმად, ადამიანები, რომლებიც უშუალოდ არ მონაწილეობენ საომარ მოქმედებებში, ყველა შემთხვევაში ჰუმანურად უნდა მოექცნენ, ხოლო სამხედრო ტყვეები ყოველთვის დაცული უნდა იყვნენ დაშინების, ძალადობისა და ქმედებებისგან.
