საქართველოდან მსუბუქი მანქანების რეექსპორტი 10-წლიან მაქსიმუმზეა, როგორც რაოდენობრივ, ასევე თანხობრივ ჭრილშიც. 2023 წლის იანვარ-თებერვალში საქართველოდან 236.8 მლნ აშშ დოლარის 13 501 ავტომობილი გადაიყიდა. მონაცემები აღემატება როგორც პანდემიამდელ 2019 წელს, როცა 59.8 მლნ აშშ დოლარის 9 678 ერთეული ავტომობილი გავიდა ექსპორტზე, ასევე, მეტია ყველა მონაცემზეც, რომელიც საქსტატის საგარეო ვაჭრობის პორტალზე იძებნება. აღნიშნულ პორტალზე ეს მონაცემები 2014 წლიდან ქვეყნდება.
გთავაზობთ 10 ქვეყნის ჩამონათვალს, სადაც მიმდინარე წლის პირველ ორ თვეში საქართველოდან ავტომობილები გავიდა:
- აზერბაიჯანი - 62.1 მლნ აშშ დოლარის 4 820 ერთეული
- ყაზახეთი - 51.5 მლნ აშშ დოლარის 2 589 ერთეული
- სომხეთი - 50.1 მლნ აშშ დოლარის 2 834 ერთეული
- ყირგიზეთი - 43.1 მლნ აშშ დოლარის 1 338 ერთეული
- რუსეთი - 13.5 მლნ აშშ დოლარის 978 ერთეული
- არაბთა გაერთიანებული საამიროები - 3.9 მლნ აშშ დოლარის 51 ერთეული
- უკრაინა - 2 მლნ აშშ დოლარის 117 ერთეული
- ჩინეთი - 1.4 მლნ აშშ დოლარის 33 ერთეული
- ბელარუსი - 788.8 ათასი აშშ დოლარის 37 ერთეული
- თურქეთი - 561.3 ათასი აშშ დოლარის 40 ერთეული
