Gürcüstanın səfiri “xarici agentlər” haqqında qanun layihəsinə görə Estoniya Xarici İşlər Nazirliyinə çağırılıb
Gürcüstanın səfiri Arçil Ğaraulaşvili “xarici agentlər” haqqında qanun layihəsinə görə Estoniya Xarici İşlər Nazirliyinə çağırılıb.
InterPress.ge xəbər verir ki, bu barədə Estoniya Xarici İşlər Nazirliyi məlumat yayıb.
“Bu gün, martın 8-də Estoniyanın Xarici İşlər Nazirliyi Gürcüstan səfirini Gürcüstan parlamentinin qondarma qanunun təsdiqi ilə bağlı qərarından böyük narazılığını ifadə etmək üçün çağırıb”, - deyə məlumatda bildirilir.
Bəyanatda qeyd olunur ki, Estoniya, Latviya və Litvanın xarici işlər nazirləri Gürcüstanda baş verənlərlə bağlı birgə bəyanatla çıxış ediblər.
Estoniya Xarici İşlər Nazirliyinin məlumatına görə, sözügedən qanunun qəbulu müstəqil media və vətəndaş cəmiyyətini susduracaq və Gürcüstanda Estoniyanın birgə inkişaf layihələrinin həyata keçirilməsini çətinləşdirəcək. Bəyanatda Gürcüstan parlamenti ölkənin “real maraqlarını” nəzərə almağa və qanun layihəsini geri götürməyə çağırır.
