Xüsusi təyinatlılar mitinq iştirakçılarını dağıtmağa başlayıb

Xüsusi təyinatlılar parlament binası qarşısında aksiya iştirakçılarını su reaktivləri ilə dağıtmağa başlayıb.

InterPress.ge xəbər verir ki, xüsusi təyinatlılar parlamentin yaxınlığındakı küçələrdən Rustaveli prospekti istiqamətində su reaktivləri ilə isladırlar.

Bundan əvvəl onlar mitinq iştirakçılarına qarşı gözyaşardıcı qazdan da istifadə ediblər.

Proseslə paralel olaraq hüquq-mühafizə orqanlarının əməkdaşları parlamentin yaxınlığında toplaşan aksiya iştirakçılarını dağılmağa çağırır.

“Vətəndaşlar dağılın, əks halda mülki asayişin bərpası üçün qanuni tədbirlər görüləcək” deyə vətəndaşlara müraciət edirlər.