ევროპარლამენტარი პეტრას აუსტერვიჩუსი მოუწოდებს საქართველოს ხელისუფლებას, გააკეთოს ყველაფერი მესამე პრეზიდენტის სიცოცხლის გადასარჩენად და შეინარჩუნოს პროევროპული სახე. აღნიშნული განცხადება მან ევროპარლამენტში ამ წუთებში მიმდინარე დებატებზე გააკეთა.
ძვირფასო კოლეგებო, დღევანდელი საქართველოს მთავრობა იბრალებს, რომ არის პროევროპული და ამავდროულად უპირისპირდება დასავლეთს, ამავდროულად საზოგადოება საქართველოში არის პოლარიზებული. საქართველოს ყოფილი პრეზიდენტმა გააკეთა ძალიან ბევრი საქართველოსთვის, მან ჩაატარა რეფორმები და შეცვალა საქართველო. ის რაც ხდება დღეს, ეს არის შურისძიება წარსულზე, თუ მიზანმიმართული ქმედება?! მე მივმართავ საქართველოს მთავრობას, რომ მოიმოქმედოს ყველაფერი, რათა გადაარჩინოს მისი სიცოცხლე და შეინარჩუნოს პროევროპული სახე", - თქვა პეტრას აუსტერვიჩუსმა. [სინქრონული თარგმანი]
ცნობისთვის, დებატები მიხეილ სააკაშვილთან დაკავშირებით ევროპარლამენტარ ანნა ფოტიგას ინიციატივით ტარდება. 1-ელ თებერვალს, სხდომაზე ფოტიგამ განაცხადა, რომ საქართველოს მესამე პრეზიდენტის მძიმე მდგომარეობის შესახებ ყველა ინფორმირებულია. ფოტიგას წინადადებას მხარი კენჭისყრაზე დეპუტატების უმრავლესობამ დაუჭირა.
(მთავარი არხი)
