ამ წუთებში მიხეილ სააკაშვილის ჯანმრთელობის მდგომარეობასთან დაკავშირებით, ევროპარლამენტში დებატები მიმდინარეობს. საკუთარ გამოსვლაში ევროპარლამენტარმა, ევროპის სახალხო პარტიის (EPP) წევრმა, მირიამ ლექსმანმა თქვა, რომ ნათელია, რომ საქართველოს ხელისუფლება არ დგამს სათანადო ნაბიჯებს, რათა მიხეილ სააკაშვილის სიცოცხლე გადაარჩინოს.
"ბატონი სააკაშვილის სიცოცხლე არის რისკის ქვეშ. საქართველოს მთავრობის ქმედება ეწინააღმდეგება მათ მიერ გამოთქმულ ფასეულობებს და ის, რასაც ჩვენ ვხედავთ, ისინი არ დგამენ სათანადო ნაბიჯებს. მე კიდევ ერთხელ მივმართავ საქართველოს მთავრობას, მოიმოქმედონ ყველაფერი, რათა გადაარჩინონ მიხეილ სააკაშვილის სიცოცხლე გადადების გარეშე. მიხეილ სააკაშვილი არ უნდა მოკვდეს ციხეში. საქართველოს მთავრობა იქნება პასუხისმგებელი, იმ შემთხვევაში თუ მას რამე დაემართება ციხეში",- თქვა ლექსმანმა. [სინქრონული თარგმანი]
ცნობისთვის, დებატები ევროპარლამენტარ ანნა ფოტიგას ინიციატივით ტარდება. 1-ელ თებერვალს, სხდომაზე ფოტიგამ განაცხადა, რომ საქართველოს მესამე პრეზიდენტის მძიმე მდგომარეობის შესახებ ყველა ინფორმირებულია. ფოტიგას წინადადებას მხარი კენჭისყრაზე დეპუტატების უმრავლესობამ დაუჭირა.
(mtavari)
