ადამიანის უფლებების დაცვის კვირეულის აღსანიშნავად, ევროკავშირის მხარდაჭერითა და CENN-ის ორგანიზებით, ყულარის საჯარო სკოლაში ტრენინგი გაიმართა თემაზე “სამოქალაქო ჩართულობა და მისი მნიშვნელობა საზოგადოების განვითარების პროცესში.”
ტრენინგი ჩაატარა ელნურ ალისოიმ, ნიდერლანდების საელჩოს “ადამიანის უფლებათა ტიტას” (ყოველწლიური ჯილდო ადამიანის უფლებების გამორჩეული დამცველებისთვის) წლევანდელმა გამარჯვებულმა.
შეხვედრის დროს მონაწილეებმა შემდეგი საკითხები განიხილეს:
სამოქალაქო ჩართულობის როლი დემოკრატიისა და ადამიანის უფლებების დაცვაში;
სამოქალაქო ჩართულობის სამართლებრივი ბერკეტები;
რა ინსტრუმენტები არსებობს სამოქალაქო ჩართულობისთვის საქართველოში / ქვემო ქართლში? (პრაქტიკული მაგალითები);
სამოქალაქო ჩართულობა დომინანტურ ჯგუფებსა და ეთნიკურ უმცირესობებში - გამოწვევები და ბარიერები.
ტრენინგის განმავლობაში მონაწილეებმა მიიღეს ინფორმაცია სამოქალაქო ჩართულობისა და, ზოგადად, დემოკრატიული პროცესების შესახებ. ტრენინგზე მიღებული გამოცდილება დაეხმარება მათ უკეთ დაინახონ საკუთარი როლი დემოკრატიულ საზოგადოებაში.
შეხვედრა ორგანიზებულია პროექტის “სამოქალაქო საზოგადოების გაძლიერება ინკლუზიური და მწვანე აღდგენისთვის” ფარგლებში, რომელსაც ახორციელებს CENN ევროკავშირის დაფინანსებით.
