სპეკულაციებზე კომენტარს არ გავაკეთებ. პატიმრების უფლებების დაცვაზე პასუხისმგებლები არიან შესაბამისი უწყებები და ეს ყველაფერი კეთდება უმაღლეს დონეზე, - ასე უპასუხა პარტია „ქართული ოცნება - დემოკრატიული საქართველოს“ თავმჯდომარემ, ირაკლი კობახიძემ ჟურნალისტების კითხვას საქართველოს ყოფილი პრეზიდენტის ჯანმრთელობის მდგომარეობასთან დაკავშირებით.
როგორც კობახიძემ განაცხადა, პატიმრის ჯანმრთელობაზე ზრუნვა არის პენიტენციური დაწესებულებისა და სამკურნალო დაწესებულების ფუნქცია და ამასთან დაკავშირებით პოლიტიკური კომენტარები ვერ გაკეთდება.
„სპეკულაციებზე კომენტარს არ გავაკეთებ, რაც შეეხება კონკრეტული პატიმრის ჯანმრთელობის მდგომარეობას, ჯანმრთელობაზე ზრუნვა არის პენიტენციური დაწესებულებისა და სამკურნალო დაწესებულების ფუნქცია. ამასთან დაკავშირებით პოლიტიკური კომენტარები, ბუნებრივია, ვერ გაკეთდება. შესაბამის ზომებს და შესაბამის გადაწყვეტილებებს მიიღებენ შესაბამისი პასუხისმგებელი უწყებები და სამედიცინო დაწესებულებები. პატიმრების უფლებების დაცვაზე პასუხისმგებლები არიან შესაბამისი უწყებები და ეს ყველაფერი კეთდება უმაღლეს დონეზე. პატიმრის უფლებები დაცულია საქართველოში“,- განაცხადა კობახიძემ.
(ipn)
.jpg)