მმართველ გუნდში განმარტავენ, რომ აღნიშნული კანონპროექტი უკრაინული მოდელის ანალოგია, აქედან გამომდინარე, სახელისუფლებო პარტია იმ დასკვნას დაელოდება, რომელსაც ვენეციის კომისია დეოლიგარქიზაციის შესახებ უკრაინულ კანონზე გასცემს.
„ქართულ ოცნებაში“ იმედოვნებენ, რომ კანონის მესამე მოსმენით მიღებამდე დასკვნა გაცემული იქნება.
„ფაქტობრივად, იდენტური ტექსტია - როგორც ქართული, ასევე უკრაინული ვარიანტი. ვენეციის კომისიიდან ჯერ არ მოსულა პასუხი ამ კანონპროექტზეა. ძალიან საინტერესო და მნიშვნელოვანია, თუ რა შეფასებას მიიღებს უკრაინული ვარიანტი. თუკი მასთან დაკავშირებით იქნება შენიშვნები და რეკომენდაციები, ჩვენ შევძლებთ, ანალოგიურად გამოვიყენოთ ჩვენს შემთხვევაში. კარგი იქნება, თუ დაველოდებით ვენეციის კომისიის დასკვნას უკრაინულ ვარიანტთან დაკავშირებით, რადგან ეს, ფაქტობრივად, იქნება იმის იდენტური, რაც ქართული ვარიანტის შემთხვევაში შეიძლება ყოფილიყო“, - აცხადებს საპარლამენტო უმრავლესობის წევრი დავით მათიკაშვილი.
(imedi)
