ომის 171-ე დღე. რუსეთი აღმოსავლეთ უკრაინაში პოზიციების გამყარებას ცდილობს. მძიმე ბრძოლებია დონბასში. უკრაინის შეიარაღებული ძალების გენერალური შტაბის ინფორმაციით, ბოლო 24 საათის განმავლობაში უკრაინულმა ძალებმა დონეცკსა და ლუგანსკში ოკუპანტთა 7 შეტევის მოგერიება შეძლეს.
ძირითადი ძალები რუსეთს ბახმუტის, ავდეევკისა და ნოვოპავლოვკის მიმართულებაზე ჰყავს კონცენტრირებული. პარალელურად, საოკუპაციო ძალა უკრაინის ქალაქებს ბომბავს. ოფიციალური კიევის ინფორმაციით, ბოლო 24 საათის განმავლობაში ოკუპანტებმა სხვადასხვა ლოკაციაზე 400-ზე მეტი დარტყმა განახორციელეს. დაიბომბა ხარკოვის დასახლებული რაიონები. კუპიანსკის რაიონში რაკეტები საცხოვრებელ სახლს მოხვდა. ნანგრევების ქვეშ შესაძლოა ადამიანები იმყოფებოდნენ.
(წყარო : İMEDİ)
