„გულწრფელ სამძიმარს ვუცხადებ თურქ ხალხს სტამბოლში მომხდარი ტრაგედიის გამო. ღრმად თანავუგრძნობ დაღუპულთა მეგობრებსა და ოჯახებს. ყველა დაშავებულს სწრაფ გამოჯანმრთელებას ვუსურვებთ. ჩვენი ფიქრები და ლოცვები თქვენთანაა ამ რთულ დროს“, - წერს პაპუაშვილი „ტვიტერზე“.
სტამბოლის ცენტრში აფეთქებას 8 ადამიანის სიცოცხლე ემსხვერპლა, დაშავებულთა რაოდენობა კი 80-ს აჭარბებს. თურქეთის შინაგან საქმეთა მინისტრმა, სულეიმან სოილუმ განაცხადა, რომ პირი, რომელმაც აფეთქება გამოიწვია, დაკავებულია. მისივე შეფასებით, ტერორისტული თავდასხმის შესახებ ბრძანება ჩრდილოეთ სირიიდან, აინ ალ-არაბიდან მოვიდა, სადაც „ქურთისტანის მუშათა პარტიის“ სირიის შტაბბინა მდებარეობს.
