"სოციალური სამართლიანობის ცენტრში" აცხადებენ, რომ მუშევანში არ ემ ჯის მიერ ოქროს მოპოვებაზე ნებართვა , გარემოზე ზემოქმედების შეფასების გარეშე და მოსახლეობის ნების საწინააღმდეგოდ გაიცა.
სოფელ მუშევანთან 11 ჰექტარზე ღია კარიერული წესით ოქროსა და სპილენძს მოიპოვებენ, თუმცა ორგანიზაციაში ამ ვადისა და არეალის გაზრდას არ გამორიცხავენ.
"სოციალური სამართლიანობის ცენტრისთვის ცნობილი გახდა, რომ 1 ნოემბერს გარემოს ეროვნულმა სააგენტომ სოფელ მუშევანთან ახლოს ოქროს მოპოვებაზე გარემოსდაცვითი გადაწყვეტილება კანონით განსაზღვრული პროცედურებისა და მოთხოვნების დარღვევით გასცა; გარდა იმისა, რომ პროცესში ადგილობრივი ეთნიკური უმცირესობის მონაწილეობა არ იყო სათანადოდ უზრუნველყოფილი, სააგენტომ, ასევე, კანონის დარღვევით არ განიხილა და უგულებელყო ჩვენი ორგანიზაციისა და გარემოსდაცვითი ექსპერტის მიერ წარდგენილი შენიშვნები.
შესაბამისად, ჩვენი ორგანიზაცია გეგმავს, სასამართლოში გაასაჩივროს გარემოს ეროვნული სააგენტოს მიერ მიღებული გადაწყვეტილება." აცხადებს ორგანიზაცია.
