ხვალ 15:00-ზე ბოლნისის სოფელ მუშევანში (დელლერში) სოფლის მოსახლეობა ატარებს საპროტესტო აქციას.
InterPress.ge იუწყება, რომ ამის შესახებ პლატფორმა "სალამის" Facebook გვერდზე არის აღნიშნული.
საპროტესტო აქციის მიზანია, მოსახლეობამ საკუთარი ხმა გააგონოს სახელმწიფოს, საქართველოს მოსახლეობას და ყველა დაინტერსებულს პირს.
"სოფლის მოსახლეობა გელოდებათ ყველას, ვინც ზრუნავს საქართველოს ბუნებაზე, გარემოზე და ეროვნულ ინტერესებზე.
ახლა წყდება დავთმობთ, თუ არა კერძო პირების გამდიდრების სანაცვლოდ, საქართველოს მიწას და ბუნებას განადგურებისთვის.
დავდგეთ მუშევანში საქართველოს გადარჩენისთვის!",- აღნიშნულია Facebook გვერდზე.
ინფორმაციისთვის სახელმწიფომ კომპანია RMG Gold-ს პირველ ნოემბერს მისცა ნებართვა ოქროს მოპოვებასთან დაკავშირებით, რომელმაც შესაძლოა გამოუსწორებელი ზიანი მიაყენოს როგორც სოფელ მუშევანს, ასევე მთელ ბოლნისის და საქართველოს გარემოს.
