მიკროავტობუსი N500 ხვალიდან N292 ავტობუსით ჩანაცვლდება. მარშრუტზე „ისუზუს“ მარკის ავტობუსი იმოძრავებს. ინფორმაციას ამის შესახებ თბილისის მერია ავრცელებს.
მათივე ცნობით, ცვლილება არ შეეხება უკვე არსებულ მარშრუტს.
,,N292 ავტობუსი გადაადგილდება მეტროსადგურ „ახმეტელის თეატრიდან“ ვეკუას, ხიზანიშვილის, ვასაძის, ქერჩის, სარაჯიშვილისა და შეშელიძის ქუჩებით. შემდეგ, ავტობუსი მინდელის ხიდის, ქართულ-ამერიკული მეგობრობის გამზირისა და დავით აღმაშენებლის ხეივნის გავლით იმოძრავებს.
N292 მგზავრთა მომსახურებას სავაჭრო ცენტრ „თბილისი მოლთან“ დაასრულებს", - აცხადებენ თბილისის მერიაში.
