რუსეთის პრეზიდენტი ვლადიმერ პუტინი დღეს უშიშროების საბჭოს მოიწვევს, რათა „ეროვნული უსაფრთხოების წინაშე მდგარი საფრთხის განეიტრალება“ განიხილოს. ინფორმაციას რუსული სახელმწიფო სააგენტო „ტასი“ ავრცელებს.
არსებული ინფორმაციით, შეხვედრა ვირტუალურ ფორმატში გაიმართება.
„დაგეგმილია საკითხების განხილვა, რომლებიც დაკავშირებულია ეროვნული უსაფრთხოების წინაშე მდგარი საფრთხის განეიტრალებასთან მიგრაციის სფეროსა და მიგრაციული პროცესების რეგულირების მხრივ, ქვეყნის სოციალურ-ეკონომიკური განვითარებისა და სოციალურ-პოლიტიკური სტაბილურობის ინტერესებიდან გამომდინარე“ ,- აცხადებენ კრემლში.
მედიის ცნობით, უცნობია, კონკრეტულად რა იგულისხმება მიგრაციის სფეროში, თუმცა, სავარაუდოდ, პუტინი რუსეთის საზღვრებზე შეზღუდვების შესახებ ისაუბრებს.
რუსეთის უშიშროების საბჭოს ბოლო გაფართოებული სხდომა მაისში გაიმართა.
.jpg)