„კამიკაძე დრონების შეტევის შედეგად აფეთქება მოხდა საცხოვრებელ სახლში შევჩენკოს რაიონში. ამ ეტაპზე გადარჩენილია 18 ადამიანი. წინასწარი ცნობით, ორი ადამიანი ნანგრევებში რჩება. მაშველები მუშაობას აგრძელებენ“, – განაცხადა კლიჩკომ
შეგახსენებთ, რომ დღეს, დილით კიევზე კამიკაძე დრონებით შეტევა განხორციელდა. როგორც უკრაინის ხელისუფლება აცხადებს, სამიზნე კრიტიკული ინფრასტრუქტურის ობიექტი იყო. დრონების ნაწილი უკრაინელმა სამხედროებმა ჩამოაგდეს.
ამჟამად კიევის ქუჩების ნაწილი გადაკეტილია. ქალაქის მერი მოუწოდებს მოქალაქეებს, განგაშის სიგნალის ჩართვისთანავე თავშესაფრებში ჩავიდნენ.
(1tv)
