აღნიშნულის შესახებ თურქეთის საგარეო უწყების ხელმძღვანელმა "ტვიტერის" საკუთარ გვერდზე დაწერა, სადაც კოლეგის მიერ გამოხატულ სამძიმარს გამოეხმაურა.
"ძვირფასო ილია, მადლობა თანაგრძნობისა და მწუხარების გაზიარებისთვის", - წერს მევლუთ ჩავუშოღლუ.
თურქეთში მომხდარ ტრაგედიას, „ტვიტერის“ ოფიციალურ გვერდზე გამოეხმაურა საგარეო საქმეთა მინისტრი ილია დარჩიაშვილი.
"ძალიან დამწუხრებული ვარ თურქეთის ბართინის პროვინციაში ქვანახშირის მაღაროში მომხდარი ფატალური შემთხვევის გამო. ჩემი ფიქრებით ამ ტრაგედიის შედეგად დაღუპულთა და დაზარალებულთა გვერდით ვდგავარ. თურქეთის მთავრობასა და თურქ ხალხს ამ მძიმე პერიოდის გადალახვაში გამძლეობას ვუსურვებ", - წერს ილია დარჩიაშვილი.
ბართინის პროვინციაში მდებარე მაღაროში აფეთქება 14 ოქტომბერს მოხდა. სამძებრო-სამაშველო ოპერაციებში 150 ადამიანია ჩართული.
IPN.ge
