8 ოქტომბერს, მარნეულში, „ჩაის სახლში“, საქართველოს სტრატეგიისა და განვითარების ცენტრის (GCSD) ორგანიზებით, პროექტის „ვაქცინაცია საქართველოსთვის”/(Vaccination4Georgia) ფარგლებში, გაიმართა საინფორმაციო შეხვედრა და ფოკუს ჯგუფ–დისკუსია ადგილობრივ დაინტერესებულ მხარეებთან.
InterPress.ge-ს იუწყება, ღონისძიება განკუთვნილი იყო ქვემო ქართლი რეგიონის ადგილობრივი არასამთავრობო ორგანიზაციებისთვის, მედია ორგანიზაციებისათვის, კერძო სექტორისა და ადგილობრივი თვითმმართველობის წარმომადგენლებისთვის.
შეხვედრას გაუძღვა სოციალური კვლევისა და ანალიზის ინსტიტუტი (ISSA), საქართველოს სტრატეგიისა და განვითარების ცენტრის (GCSD) ორგანიზებით მსგავსი ტიპის შეხვედრები მოიცავს სხვა რეგიონებსაც.
პროექტს ახორციელებს გერმანიის საერთაშორისო თანამშრომლობის საზოგადოება (GIZ) საქართველოს სტრატეგიის და განვითარების ცენტრთან პარტნიორობით. პროექტი დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) მიერ.

