აზერბაიჯანის რესპუბლიკის არასამთავრობო ორგანიზაციების სახელმწიფო მხარდაჭერის სააგენტოსა და „ახალგაზრდების ინიციატივისა და განვითარების ხელშეწყობა“ საზოგადოებრივი გაერთიანების ორგანიზებით საქართველოში „სოიდაში“ ახალგაზრდული ფორუმი გაიმართა.
ფორუმში მონაწილეობის მისაღებად საქართველოში აზერბაიჯანიდან ჩამოსულმა დელეგაციამ ჯერ თბილისში ჰეიდარ ალიევის ბიუსტი დაათვალიერა, ბიუსტი ყვავილებით შეამკო და ლოცვა წაიკითხა.
მოგვიანებით ფორუმმა მუშაობა ქალაქ მარნეულში მდებარე ახალგაზრდულ ცენტრში დაიწყო.
საზოგადოებრივი გაერთიანება „ახალგაზრდების ინიციატივისა და განვითარების ხელშეწყობის“ თავმჯდომარემ თოღრულ ალავერდილმა, რომელმაც ღონისძიება გახსნა სიტყვით, მადლობა გადაუხადა არასამთავრობო ორგანიზაციების სახელმწიფო მხარდაჭერის სააგენტოს პროექტის მხარდაჭერისთვის. თოღრულ ალავერდილმა აღნიშნა, რომ საჭიროა მრავალი აქტივობის გატარება ორივე ქვეყნის მედიისა და ახალგაზრდების ინტეგრაციისთვის. საუბარი შეეხო საქართველოში თანამემამულეების საქმიანობას და აზერბაიჯანის საელჩოს, კავშირის თავმჯდომარემ მადლობა გადაუხადა ელჩ ფაიგ გულიევს ბოლო წლებში განხორციელებული პოზიტიური ცვლილებებისთვის.
მოგვიანებით, საქართველოში აზერბაიჯანის საელჩოს პირველი მდივანი ანარ რასულოვი, საქართველოს პარლამენტის წევრი ზაურ დარგალი, მარნეულელი მაჟორიტარი დეპუტატი ანარ პირიევი და აზერბაიჯანის მედია საბჭოს წევრი, "იენი ჩაღ“ მედია ჯგუფის ხელმძღვანელი აგილ ალასგარი სიტყვით გამოვიდა.
"საქართველოს
აზერბაიჯანელების ინტეგრაციის ცენტრი" ს აღმასრულებელი დირექტორი ორხან პირვერდიევი, "ალიანსი ახალგაზრდული ცენტრი"ს თავმჯდომარე ლეილა ამრახოვა და ეკონომიკის დოქტორმა აიგულ ისაევამ აზერბაიჯანელ-ქართველი ახალგაზრდების თანამშრომლობის პერსპექტივები და შესაბამისი საკითხები განიხილა.
მოგვიანებით „მედიის“ პანელი აგილ ალასგარის მოდერატორობით გაიმართა. პანელში ტელეკომპანია "მთავარი არხის" თანამშრომელმა ჯეიჰუნ მაჰამადალმა, "Aktual.ge"-ს ვებ-გვერდის ხელმძღვანელმა ილკინ ჰუსეინოვმა და "News24"-ის ვებგვერდის დირექტორმა აზერ მამედოვმა ისაუბრეს აზერბაიჯან-ქართულ მედია ურთიერთობებზე, ასევე იმ საკითხებზე, რაც აქამდე იყო გაკეთებული და მომავალშიც გასაკეთებელია.
აღსანიშნავია, რომ არასამთავრობო ორგანიზაციების სახელმწიფო მხარდაჭერის სააგენტოს მიერ მხარდაჭერილი საზოგადოებრივი კავშირის მიერ ორგანიზებული ღონისძიების ოფიციალური პარტნიორები არიან აზერბაიჯანის საელჩო საქართველოში და აზერბაიჯანის დიასპორის მხარდაჭერის ფონდი.
