საქართველოში ოპოზიცია არ არსებობს. თუნდაც გამოცდილი კანონპროექტი, საერთაშორისო პარტნიორების მხრიდან მოწონებული კანონპროექტი, ყველაფერი დასაწუნია მათი მხრიდან,- ამის შესახებ დედაქალაქის მერმა, კახა კალაძემ დეოლიგარქიზაციის შესახებ კანონპროექტის „ქართული ოცნების“ ვერსიაზე ოპოზიციის კრიტიკული შეფასებების კომენტირებისას განაცხადა.
როგორც კალაძემ განმარტა, როდესაც ქვეყანას არ ჰყავს ოპოზიცია, ეს ცუდია ხელისუფლებისთვისაც და პოლიტიკური ცხოვრებისთვისაც.
„საქართველოში ოპოზიცია არ არსებობს. ეს არის უდიდესი პრობლემა. ხედავთ, რა მდგომარეობაა. შეუძლებელია კონსტრუქციულ რეჟიმში გადავიყვანოთ. თუნდაც, გამოცდილი კანონპროექტი, საერთაშორისო პარტნიორების მხრიდან მოწონებული კანონპროექტი, ყველაფერი დასაწუნია მათი მხრიდან. გვესმის ეს რადიკალიზმი, გვესმის ეს დამოკიდებულება, რაც პირველ რიგში, მათ აზიანებთ. როდესაც ქვეყანას არ ჰყავს ოპოზიცია, ეს ცუდია ხელისუფლებისთვისაც და პოლიტიკური ცხოვრებისთვის“, - აღნიშნავს კალაძე.
(ipn)
.png)