BBC-ის რუსული რედაქცია რუსეთის სახელმწიფო დუმის სპიკერის „ტელეგრამ“-არხზე დაყრდნობით იუწყება, რომ ვიაჩესლავ ვოლოდინმა მხარი დაუჭირა ჯარში გასაწვევი პირებისთვის საზღვრის ჩაკეტვის ინიციატივას.
„მოქალაქეებს, რომლებიც იმყოფებიან სამხედრო აღრიცხვაზე, მობილიზაციის გამოცხადების მომენტიდან ეკრძალებათ საცხოვრებელი ადგილის დატოვება, კომისარიატის თანხმობის გარეშე.
კანონის ასეთი ნორმა არსებობს და ამით უნდა იხელმძღვანელოს სამხედრო აღრიცხვაზე მყოფმა ყველა პირმა", - დაწერა ვოლოდინმა.
