რუსეთის თავდაცვის სამინისტროს ინფორმაციით, უკრაინული ძალები დღეს დილით ზაპოროჟიეს ატომურ ელექტროსადგურზე კონტროლის დაბრუნებას შეეცადნენ. უწყების მტკიცებით, 60-მდე უკრაინელმა სამხედრომ დღეს დილით ნავებით მდინარე დნიპრო გადალახა, რომელიც ორი მხარის მიერ დაკავებულ ტერიტორიას ყოფს. რუსეთი უკრაინას "პროვოკაციის" მოწყობის მცდელობაში ადანაშაულებს, რომლის მიზანი, მათი მტკიცებით, ატომური ენერგიის საერთაშორისო სააგენტოს ინსპექტორების დაგეგმილი ვიზიტის ჩაშლაა.
„მოწინააღმდეგე ჯარების განადგურების მიზნით შესაბამისი ზომები განხორციელდა, მათ შორის სამხედრო ავიაციის გამოყენებით“, - აცხადებენ რუსეთის თავდაცვის სამინისტროში.
შეგახსენებთ, ენერგოდარის მერმა, დმიტრო ორლოვმა განაცხადა, რომ ატომური ენერგიის საერთაშორისო სააგენტოს მისია ელექტროსადგურამდე მისვლას ჯერჯერობით ვერ ახერხებს, რადგან რუსულმა ძალებმა წინასწარ შეთანხმებული მარშრუტები დაბომბეს.
(lpn)
.jpg)