InterPress.ge იუწყება, რომ საქართველოს პრეზიდენტმა მადლობა გადაუხადა მეჰრიბან ალიევას განსაკუთრებული წვლილისთვის ჩვენს ქვეყნებს შორის ძმური ურთიერთობების განვითარებაში.
„ჩვენი მჭიდრო ურთიერთობა ასევე აისახება ჩვენს ქვეყნებს შორის კეთილმეზობლურ ურთიერთობებში. თქვენ განსაკუთრებულ როლს თამაშობთ აზერბაიჯანის განვითარებასა და გაძლიერებაში. თქვენი ძალისხმევა და ინიციატივები კულტურისა და განათლების სფეროებში ამის განსახიერებაა. დარწმუნებული ვარ, ამ მიღწევების წყალობით, მომავალი თაობა უფრო ღრმად გაიაზრებს მის მდიდარ კულტურას და თქვენ, როგორც ქალი ლიდერი, იქნებით შთაგონების წყარო ახალგაზრდა ქალბატონებისთვის.
თქვენო აღმატებულებავ, ამ მნიშვნელოვან დღეს, კიდევ ერთხელ გამოვხატავ ჩემს ღრმა პატივისცემას თქვენდამი და გისურვებთ წარმატებებს თქვენი ქვეყნის მშვიდობიანი და აყვავებული მომავლის უზრუნველსაყოფად“,-წერილში ნათქვამია.
