უკრაინელმა სამხედროებმა, კვირის დასაწყისიდან, რუსული არმიის საბრძოლო მასალის შვიდი საცავი გაანადგურეს, - ამის შესახებ სამხრეთ უკრაინის თავდაცვის ძალების ერთობლივი საკოორდინაციო პრესცენტრის ხელმძღვანელმა ნატალია ჰუმენიუკმა განაცხადა.
„საბრძოლო მასალის საცავი არის ჩვენი არტილერიის ერთ-ერთი პრიორიტეტული სამიზნე, რადგან ეს არის მარაგი, რომლის გამოყენებასაც მტერი აპირებდა ჩვენი დანაყოფების წინააღმდეგ“, - აღნიშნა მან.
ნატალია ჰუმენიუკის თქმით, აღნიშნული მონაცემები ჯერჯერობით საბოლოო არ არის.
„მიმდინარე კვირის დასრულებამდე კიდევ რამდენიმე დღე დარჩენილი და ჯერ კიდევ გვექნება დრო”, - აღნიშნა ნატალია ჰუმენიუკმა.
(lpn)
