ნავთობ-იმპორტიორთა კავშირის ხელმძღვანელი შემდეგი თვიდან საწვავის გაიაფებას პროგნოზირებს. „აგვისტოს დასაწყისიდან საქართველოში საწვავზე ფასები შემცირდება“, - განუცხადა BMG-ს ვანო მთვრალაშვილმა.
მისი თქმით, ფასის კლების მიზეზი ერთი მხრივ - ლარის კურსის გამყარება, მეორე მხრივ კი, საერთაშორისო ბაზარზე ნავთობზე ფასის კლებაა.
"იმის გათვალისწინებით, რომ ლარი მყარდება და საერთაშორისო ბაზარზე ნავთობის ფასები კლებულობს, ჩემი ინფორმაციით, აგვისტოს დასაწყისიდან ანუ მომდევნო კვირიდან და შესაძლოა, ამ კვირის ბოლოდანაც საწვავზე ფასების კლება აუცილებლად დაიწყება. საერთაშორისო ბაზარზე კლება ივნისში დაწყო, თუმცა ბოლო 2 კვირაა, რაც უფრო ინტენსიურია შემცირება; შესაბამისად, ახლა უკვე მალე აისახება ეს საქართველოს ბაზარზე", - განაცხადა ვანო მთვრალაშვილმა.
