საქართველოსა და იტალიას აქვთ არა 30-წლიანი, არამედ საუკუნოვანი ურთიერთობები, - ამის შესახებ საქართველოს პრეზიდენტმა, სალომე ზურაბიშვილმა იტალიაში ვიზიტისას, იტალიის პრეზიდენტ სერჯო მატარელასთან ერთად გამართულ პრესკონფერენციაზე განაცხადა.
„25 წლის შემდეგ, დღეს იტალიაში საქართველოს პრეზიდენტის პირველი სახელმწიფო ვიზიტი გაიმართა. ამავე დროს ჩვენ, ჩვენი დიპლომატიური ურთიერთობების 30 წლის იუბილეს აღვნიშნავთ. ეს თარიღები ძალიან მნიშვნელოვანია იმიტომ, რომ საქართველო-იტალიას აქვსთ არა 30- წლიანი, არამედ საუკუნოვანი ურთიერთობები და ჩვენი ორი კულტურა და ცივილიზაცია ბევრი საუკუნის წინ ერთმანეთს იცნობდნენ და თანამშრომლობდნენ“,- აღნიშნა სალომე ზურაბიშვილმა.
(imedi)
