ტურიზმის ეროვნული ადმინისტრაცია მაისის თვის სტატისტიკურ მონაცემებს აქვეყნებს. მათი ინფორმაციით, მიმდინარე წლის მაისში საქართველოში 359 238 საერთაშორისო მოგზაურის ვიზიტი განხორციელდა, 2021 წლის მაისის თვესთან შედარებით ზრდა +228.5%-ს შეადგენს, საერთაშორისო მოგზაურების აღდგენის კოეფიციენტი 2019 წლის მონაცემებთან შედარებით 49.7% პროცენტია.
ტურიზმის ეროვნული ადმინისტრაციის ცნობით, მაისში საერთაშორისო ტურისტული ვიზიტების რაოდენობამ 264,327 შეადგინა, რაც გასული წლის ანალოგიურ პერიოდთან შედარებით +173.9%-ით მეტია, ხოლო 2019 წლის აპრილის თვის მონაცემებთან შედარებით ტურისტული ვიზიტები 62.3%-ით არის აღდგენილი.
„2022 წლის იანვარ-მაისში საქართველოში 1 180 034 საერთაშორისო მოგზაურის ვიზიტი შედგა, 2021 წლის 5 თვის მონაცემებთან შედარებით, ზრდა +257.8%-ია, ხოლო 2019 წლის ანალოგიურ პერიოდთან შედარებით, აღდგენამ 39.5% შეადგინა.
2022 წლის 5 თვეში საერთაშორისო ტურისტული ვიზიტების რაოდენობამ 906 670 შეადგინა, რაც გასული წლის ანალოგიურ პერიოდთან შედარებით +213.8%-ით მეტია, ხოლო 2019 წლის მაისის თვის მონაცემებთან შედარებით ტურისტული ვიზიტები 54.8%-ით არის აღდგენილი,“ - აღნიშნულია ინფორმაციაში.
(lpn)
