ამის შესახებ აზერბაიჯანის პრეზიდენტმა ილჰამ ალიევმა ბაქოს ენერგეტიკის კვირეულის ფარგლებში კასპიის ნავთობისა და გაზის 27-ე საერთაშორისო გამოფენის ოფიციალურ გახსნაზე სიტყვით გამოსვლისას განაცხადა, იტყობინება InterPress.ge AZERTAC-ზე დაყრდნობით.
აზერბაიჯანსა და ევროკომისიას შორის ნაყოფიერი თანამშრომლობის აღნიშვნისას, პრეზიდენტმა თქვა: „TAP მნიშვნელოვანი როლი ითამაშა სამხრეთ გაზის დერეფნის პროექტის განხორციელებაში და მნიშვნელოვან როლს შეასრულებს ჩვენი სამომავლო გეგმების განხორციელებაში. ჩვენ მუდმივ კონტაქტზე ვართ ამ კუთხით ევროკომისიასთან და ამ წლის თებერვლის დასაწყისში ბაქოში, ენერგეტიკის საკითხებში ევროკომისარსა და ჩვენს ენერგეტიკის მინისტრს შორის განხილვის შედეგად, ჩვენ დავამყარეთ ენერგეტიკული დიალოგი ევროკავშირსა და აზერბაიჯანს შორის. დღის წესრიგი ძალიან ფართოა, მოიცავს ტრადიციულ სფეროებს, როგორიცაა ნავთობი და გაზი.
პრეზიდენტმა ილჰამ ალიევმა განაცხადა, რომ დღის წესრიგში ასევე არის ელექტროენერგიის, განახლებადი ენერგიის, წყალბადის და ენერგოეფექტურობის საკითხები: „ვფიქრობ, რომ საკითხების ფართო სპექტრი და აქტიური თანამშრომლობა ამ საკითხებში საშუალებას მოგვცემს მეტი გაზი გვქონდეს ექსპორტისთვის“.
