ამასთან, ჩვენ მოვუწოდებთ სომხეთს, დაიწყოს საზღვრების დელიმიტაცია. იმის გამო, რომ დაახლოებით 30 წელია, ჩვენი სახელმწიფო საზღვარი სომხეთთან, ისევე როგორც აზერბაიჯანის სხვა რეგიონებთან, რომლებიც ტერიტორიის 20 პროცენტს შეადგენს, ოკუპირებულია. აქედან გამომდინარე, აშკარაა საზღვრების დელიმიტაციის საჭიროება.
ამის შესახებ აზერბაიჯანის პრეზიდენტმა ილჰამ ალიევმა ლიტვის პრეზიდენტ გიტანას ნაუსედასთან შეხვედრის შემდეგ განაცხადა, იტყობინება InterPress.ge AZERTAC-ზე დაყრდნობით.
შეგახსენებთ, რომ 6 აპრილს ბრიუსელში გამართულ შეხვედრაზე, ევროსაბჭოს პრეზიდენტის შარლ მიშელის ინიციატივით, მხარეები შეთანხმდნენ აპრილის ბოლომდე სამუშაო ჯგუფის შექმნაზე. ეს სომხურ მხარესთან შეთანხმებული იყო. სხვათა შორის, პირველი შეხვედრის საზღვარზე გამართვის წინადადება სწორედ სომხეთის საგარეო საქმეთა სამინისტრომ შემოგვთავაზა. აზერბაიჯანმა მიიღო შეთავაზება და ჩვენ მზად ვიყავით დელეგაციის გაგზავნისთვის. თუმცა, ბოლო დღეს - 29 აპრილს, სომხეთმა უკვე შეთანხმებული შეხვედრა გააუქმა. ეს ძალიან გულდასაწყვეტი საკითხია. კიდევ უფრო გულდასაწყვეტი იყო სომხეთის უარი 7-11 მაისს საზღვარზე ახალი შეხვედრის გამართვაზე, სომხეთის თავდაპირველი წინადადების საფუძველზე. ჯერჯერობით, სამუშაოს დასაწყებად სომხეთიდან ველოდებით ახალ თარიღებს. რადგან ასეთი უპასუხისმგებლო პოზიცია, რა თქმა უნდა, შემაშფოთებელია.
პრეზიდენტმა ილჰამ ალიევმა ხაზგასმით აღნიშნა, რომ აზერბაიჯანი ყოველთვის ერთგულია თავისი ვალდებულებების შესრულებისთვის: თუმცა, ჩვენ იგივე პასუხისმგებლობა გვინდა ვნახოთ სომხეთსაც. ანუ, თუნდაც გარკვეული ოპტიმიზმი გვქონდეს, სომხეთის ხელისუფლების ასეთი მანევრები და ძალიან უცნაური ნაბიჯები, ფაქტობრივად, ძირს უთხრის გარკვეულ ნდობას.
