თუკი დამოუკიდებელი ექიმების, კონსილიუმის აზრია, რომ სააკაშვილის მდგომარეობა იმდენად დამძიმდა ახლა, რომ მას ვერ გაეწევა სათანადო სამედიცინო მომსახურება საქართველოში, მაშინ ეს მომსახურება მას უნდა გაეწიოს საქართველოს ფარგლებს გარეთ და ეს აუცილებლად უნდა მოხდეს, - ამის შესახებ „ლელოს“ ერთ-ერთმა ლიდერმა, ბადრი ჯაფარიძემ განაცხადა.
ბადრი ჯაფარიძის განცხადებით, თუკი მიხეილ სააკაშვილის ჯანმრთელობის მდგომარეობას საფრთხე დაემუქრება, მაშინ ეს ქვეყანას დამატებით რისკებს შეუქმნის.
„თუკი ჩვენ გვექნება დამოუკიდებელი ექსპერტების, დამოუკიდებელი მედიკოსების დასკვნა, რომ სააკაშვილის მდგომარეობა არის ძალიან მძიმე და ამ მდგომარეობისთვის აუცილებელი სამედიცინო მომსახურება საქართველოში შეუძლებელია, რომ მას გაეწიოს, მაშინ, რა თქმა უნდა, ეს სამედიცინო მომსახურება მას უნდა გაეწიოს საქართველოს ფარგლებს გარეთ, ეს არის აბსოლუტურად ნორმალური ლოგიკა, წინააღმდეგ შემთხვევაში არის დიდი რისკი, რომ მის სიცოცხლეს შეექმნას დიდი საფრთხე, რაც ქვეყანას შეუქმნის დამატებით რისკებს”, - განაცხადა ბადრი ჯაფარიძემ.
IPN.ge
