ამის შესახებ „ინტერპრესნიუსს“ განათლების და მეცნიერების სამინისტროს სსიპ „განათლების მართვის საინფორმაციო სისტემიდან“ (EMIS) გამოთხოვილი ინფორმაციის პასუხად აცნობეს.
EMIS-ის ინფორმაციით, 2021-2022 სასაწავლო წლის დაწყებიდან დღემდე, ქართულ სკოლებში ყველაზე მეტი უკრაინის მოქალაქე ჩაირიცხა. დოკუმენტის მიხედვით, უკრაინის ყველაზე მეტი, 30 მოქალაქე 2022 წლის მარტის თვეშია ჩარიცხული, 18 კი აპრილში. ხოლო რუსეთიდან საქართველოს სკოლებში ჩარიცხვის სურვილი ყველაზე მეტად სექტემბერსა და ოქტომბერში გამოთქვეს.
„განათლების მართვის საინფორმაციო სისტემის“ ინფორმაციით, ჩარიცხულთა შორის არის უკრაინის 63 მოქალაქე, რუსეთის - 62, აზერბაიჯანის - 24, ბელარუსიის -14, თურქეთის- 7, აშშ-სა და სომხეთის 6-6 მოსწავლე, ირანის, ისრაელის და ყაზახეთის 5-5 მოქალაქე, ჩინეთის და იორდანიის- 4-4; სირიის, ყირგიზეთის, საფრანგეთის, ინდოეთის, არაბთა გაერთიანებული საამიროების, ლატვიის, ტაჯიკეთის - 2-2 მოქალაქე; ერაყის, კანადის, ლიბანის, იაპონიის, სამხრეთ აფრიკის რესპუბლიკის, ბელგიის, თურქმენეთის, ეგვიპტის, უზბეკეთის, გერმანიის - 1-1 მოქალაქე. ასევე ჩარიცხულთა შორის არის ერთი მოქალაქე, რომლის ეროვნებაც უცნობია.
(lpn)
