InterPress.ge AZERTAC-ზე დაყრდნობით იტყობინებს რომ, ამის შესახებ აზერბაიჯანის პრეზიდენტმა 12 აპრილს, მიმდინარე წლის პირველი კვარტლის შედეგებზე გამართულ შეხვედრაზე დასკვნით სიტყვაში განაცხადა.
„ბარდა-აღდამის რკინიგზის მშენებლობა წელსაც გრძელდება. სავარაუდოდ მომავალ წელს ამოქმედდება. ამასთან, რკინიგზა და რკინიგზის სადგურები უნდა აშენდეს აღდამსა და ფიზულიში. პროექტები უნდა იყოს წარმოდგენილი და განხილული შესაბამისი ორგანოების მიერ და უნდა იყოს წარმოდგენილი ჩემთვის. სატრანსპორტო ინფრასტრუქტურასთან დაკავშირებული კიდევ ერთი საკითხია ზანგილანის საერთაშორისო აეროპორტის გახსნა. ესეც წელსაა განკუთვნილი. გათავისუფლებულ მიწებს ფიზულის შემდეგ მეორე საერთაშორისო აეროპორტი ექნება. რაც შეეხება ლაჩინის საერთაშორისო აეროპორტის მშენებლობას, ამის გაკეთებას 2024 წელს ვგეგმავთ. სამუშაოს მოცულობა იქ ძალიან დიდია და მთები უნდა აფეთქდეს, ორივე ტერიტორიას კეთილმოწყობა სჭირდება და იქ მართლაც ბევრი მიწის სამუშაოებია. მაგრამ ისიც აუცილებლად მოხდება“, - განაცხადა სახელმწიფოს მეთაურმა.
