ცვლილებები ბათუმის მიმართულებით სამგზავრო ტიპის ავიახომალდსაც შეეხება.
საშუალო ზომის საჰაერო ხომალდის ნაცვლად, ფრენები დროებით, მცირე ზომის L-410 ტიპის საჰაერო ხომალდით შესრულდება.
„თბილისი-ბათუმის მიმართულებით ფრენებს საშუალო ზომის, ემბრაერის ტიპის ხომალდი ასრულებდა, რომელიც ამჟამად ტექნიკურ შემოწმებას გადის. განრიგში ცვლილებები სწორედ ამიტომ შევიდა და საჰაერო ხომალდიც და აეროპორტიც შეიცვალა. თბილისიდან ნატახტარში მგზავრებს, როგორც მესტია-ამბროლაურის რეისებზე, ბათუმის მიმართულებითაც თბილისის ცენტრიდან (პირველი რესპუბლიკის მოედანი, ველოსიპედის მონუმენტის მოპირდაპირე მხარე) უფასო მიკროავტობუსი მოემსახურებათ.
მგზავრებს გთხოვთ, ბილეთის შეძენისას ვებ-გვერდზე https://ticket.vanillasky.ge/en/tickets
გაითვალისწინოთ ცვლილება და ბათუმში გამგზავრებისას თბილისის ნაცვლად ნატახტარი მონიშნეთ.
ცვლილებები მესტიის მიმართულებით ფრენებსაც შეეხება. ავიარეისები პარასკევისა და კვირის ნაცვლად, ნატახტარი-მესტია-ნატახტარის მიმართულებით ხუთშაბათს და შაბათს განხორციელდება“, - აღნიშნულია გავრცელებულ ინფორმაციაში.
(lpn)
