პრემიერის განცხადებით, ზურაბ აზარაშვილი პანდემიის მართვაში ეფექტურად ჩაერთო და უწყებას წარმატებულად უძღვება.
მისივე თქმით, ამ დროისთვის კოვიდკლინიკებში 500-მდე ადამიანი აგრძელებს მკურნალობას.
"ეპიდვითარება არის მნიშვნელოვნად გაუმჯობესებული. მე მინდა ბატონ ზურას მადლობა გადავუხადო, ძალიან ეფექტურად ჩაერთო და წარმატებულად უძღვება თავის სამინისტროს. ბოლო 7 დღის საშუალო დღიური ინციდენტობის მაჩვენებელი 415-ია და კლებას განაგრძობს. დღეს მაგალითად 200 შემთხვევა იყო, სიკვდილიანობა საგრძნობლად შემცირებულია. სამწუხაროდ, ჯერ კიდევ 2 შემთხვევა იყო გარდაცვალების, მაგრამ ეს მიუთითებს, რომ ძალიან დაკლებული არის.
კოვიდკლინიკებში 500-ზე ნაკლები პაციენტი აგრძელებს მკურნალობას და დღეს ქვეყანაში დაახლოებით 4 000 ინფიცირებული არის მხოლოდ, რაც, რა თქმა უნდა, ძალიან გვახარებს, რომ ეპიდვითარება არის გაუმჯობესებული და ამ მიმართულებით შემთხვევების კლების დინამიკა არის შენარჩუნებული. შესაბამისად, ჩვენ გადავდგით ნაბიჯები, შევამსუბუქეთ რეგულაციები, შეზღუდვები. ჩვენ, რა თქმა უნდა, დავაკვირდებით მიმდინარე დინამიკას და შესაბამისი იქნება ჩვენი შემდგომი გადაწყვეტილებებიც," - განაცხადა პრემიერმა.
(ipn)
