მათივე ცნობით, თბილისის სახელმწიფო სამედიცინო უნივერსიტეტში სტუდენტებისა და ადმინისტრაციის ინიციატივით, უკრაინის მოქალაქეთა დასახმარებლად საქველმოქმედო ჰუმანიტარული აქცია 2022 წლის 2 მარტიდან დაიწყო, რომლის ფარგლებში პირველადი მოხმარების ნივთები, მედიკამენტები, ტანსაცმელი, საკვები პროდუქტები შეგროვდა და უკრაინაში გაიგზავნა.
„საქველმოქმედო აქციას თსსუ-ის აკადემიური, ადმინისტრაციული და დამხმარე პერსონალი, სტუდენტები, რეზიდენტები, მკვლევარები და თსსუ-ის კლინიკების თანამშრომლები შეუერთდნენ. გარდა ამისა, აღსანიშნავია, რომ თბილისის სახელმწიფო სამედიცინო უნივერსიტეტისა და ინგოროყვას მაღალი სამედიცინო ტექნოლოგიების საუნივერსიტეტო კლინიკაში უკრაინის მოქალაქეებისთვის სისხლის უანგარო დონაცია ხორციელდება“, - ნათქვამია გავრცელებულ ინფორმაციაში.
(lpn)
