მათი ცნობით, ვიდეოგადაღებასთან დაკავშირებით ტრენერთა ტრენინგები დაიწყო.
როგორც ერთ-ერთმა ტრენერმა, ცესკო-ს წევრმა ივანე ნორაკიძემ აღნიშნა, არსებითად მნიშვნელოვანია საარჩევნო პროცესის გამჭვირვალობისთვის ხმის დათვლის პროცესის ვიდეოგადაღება და მისი უხარვეზოდ წარმართვა.
„ცესკოს წევრმა ივანე ნორაკიძემ და საინფორმაციო სისტემების მართვის განყოფილების უფროსმა როსტომ გაჩეჩილაძემ, დღეს იმ ტრენერებს ჩაუტარეს ვიდეოგადაღების ინსტრუქცია, რომელთაც თავის მხრივ, საუბნო საარჩევნო კომისიის შესაბამის წარმომადგენლებს ვიდეო გადაღებასთან დაკავშირებით ტრენინგი უნდა ჩაუტარონ; დღევანდელი სწავლების მონაწილეებმა დეტალური ინსტრუქცია გაიარეს, ისაუბრეს გასულ არჩევნებზე ვიდეოფიქსაციის პროცესში გამოვლენილ ხარვეზებზე და მსგავსი შემთხვევების პრევენციის გზებზე.
ბათუმის, რუსთავის და გარდაბნის საოლქო საარჩევნო კომისიების წარმომადგენლები, რომლებიც დღევანდელ შეხვედრას ესწრებოდნენ. უახლოეს მომავალში ვიდეოფიქსაციასთან დაკავშირებით საუბნო საარჩევნო კომისიების იმ წარმომადგენლებს ჩაუტარებენ სწავლებას, რომლებიც 2 აპრილის არჩევნებზე ხმის დათვლის პროცესის ვიდეოგადაღებას უშუალოდ საუბნო საარჩევნო კომისიებში განახორციელებენ“,-აღნიშნულია ცესკო-ს მიერ გავრცელებულ ინფორმაციაში.
(ipn)
