„ალიანსის ზოგიერთმა სახელმწიფომ საკუთარი თავი დააშინა და აცხადებენ, რომ ისინი ვერ შეეჯახებიან რუსეთის რაკეტებს და თვითმფრინავებს უკრაინის ცაზე იმიტომ, რომ ეს ესკალაციას გამოიწვევსო. მიგვიყვანს მესამე მსოფლიო ომამდეო. მაშინ რაღას იტყვიან, თუკი რუსეთი შორს წავა ევროპაში და სხვა ქვეყნებს დაარტყამს? დარწმუნებული ვარ, იმავეს, რასაც უკრაინას ეუბნებოდნენ. ნატოს შეთანხმების მე-5 მუხლი არასოდეს ყოფილა ისეთი სუსტი, როგორც ახლაა. ეს მხოლოდ ჩვენი აზრია - როდესაც ალიანსის ზოგიერთ წევრს შეეშინდა მართლაც ალიანსი ყოფილიყო, რომელსაც შეუძლია დაიცვას ყველაფერი ის, რის გამოც ის შეიქმნა, თავისუფლება და დემოკრატია, კაცობრიობა და სამართლიანობა“ , - განაცხადა პრეზიდენტმა.
მისივე თქმით, საჭიროა გრძელვადიანი გარანტიების ძებნა „ჩვენთვის და ჩვენი ცისთვის“.
„ჩვენ ამაზე უარს არ ვიტყვით. გვჭირდება თვითმფრინავები. გავაგრძელებ ამაზე ლაპარაკს, გავაგრძელებ ამის მიღწევას. ჩვენ გვჭირდება გრძელვადიანი უსაფრთხოების გარანტიები სახელმწიფოსთვის, ყველა უკრაინელისთვის. კონკრეტული გარანტიები იურიდიულად უნდა იყოს გამყარებული, რათა არავითარი ეჭვი არავის ჰქონდეს“, - განაცხადა ზელენსკიმ.
IPN.ge
