რუსეთი სრულიად არ არის თავისუფალი. ნებისმიერი პროტესტი არის პირდაპირი გზა ციხისკენ, - ასე ეხმაურება ,,ტვიტერის" გვერდზე, უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი, რუსეთის ,,პირველი არხის" რედაქტორის მიერ, პირდაპირ ეთერში გამოხატულ პროტესტს, რის ამსახველ ვიდეოსაც თავადაც აქვეყნებს.
პოდოლიაკის თქმით, მარინა ოვსიანიკოვას საქციელი ღირებულია.
,,რუსეთი სრულიად არ არის თავისუფალი. მათ არ აქვთ თავისუფალი მედია, პოლიტიკური კონკურენცია, საპროტესტო აქციები. ნებისმიერი პროტესტი, არის პირდაპირი გზა ციხისკენ. უფრო ღირებულია მარინა ოვსიანიკოვას საქციელი, რომელმაც მრავალმილიონიან აუდიტორიას უთხრა სიმართლე უკრაინის წინააღმდეგ, რუსეთის დამანგრეველი ომის შესახებ", - წერს პოდოლიაკი.
შეგახსენებთ, რუსეთის ,,პირველი არხის" რედაქტორმა, მარინა ოვსიანიკოვამ, მთავარი საინფორმაციო გამოშვებისას, პირდაპირ ეთერში, უკრაინაში, რუსეთის მიერ განხორციელებული შეჭრა პლაკატით გააპროტესტა. პროტესტის შემდეგ მალევე, ოვსიანიკოვა დააკავეს.
(ipn)
