გერმანია ამერიკის შეერთებული შტატებისგან F-35 ტიპის ავიამოიერიშეების შეძენას აპირებს. ამის შესახებ ინფორმაციას „როიტერი“ წყაროზე დაყრდნობით ავრცელებს.
წყაროს ცნობით, გერმანია 35 -ზე მეტი თვითმფრინავის ყიდვას გეგმავს, რომელსაც ამერიკული კომპანია Lockheed Martin- აწყობს.
F-35-ის ტიპის მოიერიშეები Tornado-ს თვითმფრინავებს ჩაანაცვლებს. არსებული ინფორმაციით, Tornado ერთადერთი გერმანული თვითმფრინავია, რომელსაც ამერიკის შეერთებული შტატების ატომური ბომბების გადატანა შეუძლია, თუმცა ისინი გერმანიაში უკვე 1980-იანი წლებიდან დაფრინავს.
ბერლინი მათ შეცვლას 2025 და 2030 წლებისთვის გეგმავს.
(lpn)
