აზერბაიჯანის საგარეო საქმეთა სამინისტრო საქართველოს აფხაზეთის რეგიონში „საპარლამენტო არჩევნების“ შესახებ განცხადებას ავრცელებს.
InterPress.ge იტყობინებს რომ, აზერბაიჯანის საგარეო საქმეთა სამინისტროს განცხადებაში ნათქვამია:
„აზერბაიჯანის საგარეო საქმეთა სამინისტრო კიდევ ერთხელ ადასტურებს მხარდაჭერას საქართველოს სუვერენიტეტისა და ტერიტორიული მთლიანობის მიმართ და არ ცნობს 2022 წლის 12 მარტს საქართველოს აფხაზეთის რეგიონში ე.წ. „საპარლამენტო არჩევნებს“ და მათ შედეგებს.
აზერბაიჯანის საგარეო საქმეთა სამინისტროს მიაჩნია, რომ მნიშვნელოვანია მოლაპარაკებების გაგრძელება აფხაზეთის საკითხის მშვიდობიანი მოგვარებისთვის საერთაშორისო სამართლის ნორმებისა და პრინციპების შესაბამისად“.
