აღნიშნულ ინფორმაციას "ტელეგრამის" საშუალებით ლუგანსკის რეგიონული სამხედრო ადმინისტრაციის ხელმძღვანელი, სერგეი გაიდაი ავრცელებს.
UNIAN -ის თქმით, გასული საღამოს შემდეგ სევეროდონეცკსა და რუბეჟნოეში სროლები არ ცხრება - გვიან ღამით რუსებმა ცეცხლი გახსნეს პოპასნაიას და ლისიჩანსკის მიმართულებით.
„ლისიჩანსკში დაზიანდა გაზსადენი და რამდენიმე სახლი. სევედონეცკში ცეცხლი უკიდია 4 სახლს, პოპასნაიაში 5 სახლი დანგრეულია, ქალაქში ჩაჭრილია გაზსადენი, მსვერპლის რაოდენობა ზუსტდება“, - განაცხადა გაიდაიმ.
რეგიონის ხელმძღვანელის თქმით, რუსები ყველას ანადგურებენ.
„უკვე ერთ კვირაა, რაც რუსეთის ჯარი ჩვენი ქალაქების მშვიდობიან მოსახლეობას ესვრის და ცეცხლს უხსნის სახლებს. ისინი მიზანმიმართულად უმიზნებენ მათ, ვისგანაც წინააღმდეგობა არ ექნებათ - ქალებს, ბავშვებსა და მოხუცებს. საღი აზროვნების მქონე სამხედრო მოხუცებულთა თავშესაფარს ესვრის? თანაც ტანკიდან! რუსები ამას აკეთებენ, თანაც მიზანმიმართულად. რას უშლიდნენ მათ ქალაქ კრემენაიაში მცხოვრები დაუცველი და ხანდაზმული ადამიანები? რუსები დაუყოვნებლად ანადგურებენ ყველას“, - განაცხადა რეგიონის ხელმძღვანელმა.
IPN.ge
